గుడిగంటలు

పద్దెనిమిది పీటాలలో వెలసిన పరమేశ్వరిని షోడశోప చార పూజ చేసేందుకు ఈ పాట కూర్చ బడింది. ఈ పాత పాట వ్రాసిన దేవరో తెలియదు కాని అందంగా వ్రాసారు. ఇది చదివి అమ్మకు మానసిక పూజ చేసుకోవచ్చు.కార్తిక మాసం పుణ్యమైన మాసం.భక్తి ప్రపత్తులకు అనువైన మాసం.ఈమాసమంతా ,మరీ పౌర్ణమిదాకా అన్ని ముఖ్య మైన తిథులే! సోమవారాలు అభిషేకాలు,క్షీరాబ్ధి ద్వాదశి , ఏకాదశి ,కార్తీక పౌర్ణమి అన్నీ ఇట్టే గడిచిపోతాయి. వన భోజనాలు పుణ్యము, పురుషార్దము అన్నట్లుగా ,అందరు కలిసి భోజనాలు చేయడం, సామూహికంగా పూజలు చేసుకోవడం నయనానంద కరంగా వుంటాయి. నీరెండలో కూర్చుని ఉత్తమ గ్రంధాలు చదవడం,ఇతరులకి వినిపించడం మనశ్శాంతిని కలిగిస్తుంది.భగవదారాధనకి సమయం నిర్ణయించ నక్కరలేదు. `మనం పడుకొని ప్రార్ధిస్తే ఆయన కూర్చుని విన్టాడట. హరి హరుల నిద్దరిని పూజించే కార్తీక మాసం పుణ్యాన్ని పంచి పెడుతుంది.