గుడిగంటలు

నిత్య ప్రార్ధన
ఒ!పరమాత్మా!దేవా!శుధ్ధ అనంత శక్తి స్వరూపా!జ్ఞాన స్వరూపా!ప్రేమమయ మూర్తీ!జ్యొతి స్వరూపా! దేవాధి దేవా!పరమ కృపా సాగరా!నమస్కారం.మళ్ళీ మళ్ళీ నమస్కారం.
ఓ!విశ్వ స్వరూపా! విశ్వాతీతా!అద్వితీయ పరమేశ్వరా !నన్ను నీవాణ్ణీ చేసుకో!పూర్తిగా నీవాణ్ణీ చేసుకో!నన్ను రక్షించు ప్రభూ!నేను నీవాడిని!నాతప్పు,ఒప్పులతో నీ శరణాగతి వేడుకొంటున్నాను.
ఓ!సర్వేశ్వరా! నా శరీరం ఆరోగ్యంగా వుండాలి.నా సర్వేంద్రియాలు పవిత్రం గా వుండాలి.నా బుధ్ధి సుస్థిరంగా వుండాలి.నాభావాలు పవిత్రం గా వుందాలి.
ఓ!ప్రభూ!నా జీవితం వికసించి,మీ సేవలొ,మీ భజనలో.మీ స్మరణలో,మీ చింతనలో గడిచిపోవుగాక!పరం దయామయా!మిమ్మల్ని దర్శించేలా,సత్యాన్ని పాటించేలా దీవించు.
ఓ!పూర్ణ స్వరూపా!నా అసంపూర్ణత్వాన్ని పూర్ణత్వంలోకి మార్చు.నన్ను నీలో చేర్చుకు పరి పూర్ణుడిని చేయి.అందరూ సద్గతిని పొందాలి.అందరూ సుఖంగా వుండాలి.అందరూ ప్రేమగా వుండాలి.అందరి జీవితాలు కల్యాణ ప్రదమవాలి.