వెలుగు వెలుగు వెన్నెల జీవితం జిలుగు పరదా జీవితం కలిమి లేముల జీవితం కళ్యాణ సంపద జీవితం విద్య నేర్చిన జీవితం విలువ నందే జీవితం సేవ నేర్చిన జీవితం ఎద సేద తీర్చిన జీవితం అలుపెంగని జీవితం ఆనంద ఝరి ee జీవితం
నవరాత్రి వంటకాలు,పూజలు,రంగులు నవరాత్రి వచ్చేసింది.కలుష హారిణి,శక్తి స్వరూపిణి ,శత్రు సంహారిణి ,సిద్ది దాయిని మూలపుటమ్మ ముంగిలిలోకి వచ్చింది.ప్రశాంతంగా ,ప్రమోదంతో నిండిన భక్తి విశ్వాసాలతో అమ్మను కొలవండి. లోట్లు ,సమస్యలు,చికాకులు పక్కకు పెట్టి మనసా వాచా కర్మణా దుర్గా దేవిని పూజించండి. ఏపని చేసినా ఒక ప్రణాళిక ప్రకారం చేస్తే సులువుగా వుంటుంది. ఎలాచేయాలి,ఏమిచేయాలి అనే ఆదుర్దా తగ్గుతుంది. సోదరీ లలామ లకు నాకుతెలిసిన,విన్న పద్ధతి చెపుతున్నా. బాగుంటే ,వీలయితే అనుసరించండి. అందరికి దసరా శుభా కాంక్షలు ఈ మాటు దసరాలు శుక్రవారంతో ప్రారంభ మవుతున్నాయి ,అందుకని శుక్ర వారం నుంచి వంటలు అవి ఏమిచేయాలో వ్రాసాను. శుక్రవారం మొదటిరోజు -అమ్మవారికి ముద్దపప్పు ,ముక్కల పులుసు రొజూ వుండాలి,కూరలు,పచ్చళ్ళు, పిండివంటలు మారుతాయి.అందుకని పులుసు ,పప్పు అని రోజు చెప్పడం లేదు.తక్కినవి చెపుతున్నాను. బీరకాయ కూర,చింతకాయ పచ్చడి .పులగం.మొదటిరోజు అమ్మవారికి ఆహ్వానం పలికి ప్రతిష్ట చేసేసరికి టైం పడుతుంది.అందుకని మొదటిరోజు తేలికగా పులగం చేస్తారు. ఈరోజు చిలక పచ్చ రంగు చీర ధరించాలి.ప్రతిరోజూ దుర్గా అష్తోత్తరంగాని, లలిత అష్టోత్తరం గానీ చదవాలి ,శుక్రవారం లక్ష్మికి ప్రీతి అయిన రోజుకనుక లక్ష్మి అష్టోత్తరం చదివి పూజ చేసి పాయసం నివేదన చేయాలి. శనివారం రెండవరోజు -ఈరోజు వంకాయ కూర ,కొబ్బరి పచ్చడి, పెరుగు అన్నం నివేదన .కాషాయరంగు చీర ధరించాలి.శనివారం శ్రీ వెంకటేశ్వర స్వామికి ప్రియమైన రోజు ,శ్రీ వెంకటేశ్వర స్వామీ అష్టోత్తరం చేసి ఆయనకీ చిత్రాన్నం నివేదన చేయాలి. ఆదివారం,మూడవరోజు -సొరకాయ కూర,దోసకాయ పచ్చడి,బెల్లం అన్నం ఏలకులు,జీడిపప్పు వేసి నివేదన,పసుపు పచ్చ రంగు చీర ధరించాలి.ఆదివారం సూర్యునికి ప్రీతి ఐన రోజు సూర్యుని అష్టోత్తరం చదివి పాయసంనివేదన చేయాలి. సోమవారం ,నాలుగవ రోజు -అరటి కాయ కూర,నేతి బీరకాయ పచ్చడి ,కొబ్బరి అన్నం నివేదన.ఆకాశ నీలం చీర ధరించాలి.సోమవారం శివునికి ప్రీతి అయిన రోజు.శివాష్తోత్తరంచదివి పాయసం నివేదన చేయాలి. మంగళ వారం,అయిదవ రోజు-కంద కూర,బీరకాయ పచ్చడి,అన్నం పాయసం నివేదనగులాబీ రంగు చీర ధరించాలి..మంగళ వారం ఆంజనేయ స్వామికి ప్రీతి అయిన రోజు.ఆంజనేయ స్వామీ అష్టోత్తరం చదివి అప్పాలు నివేదన చేయాలి. బుధ వారం ఆరవరోజు -చేమ దుంపల కూర ,టమాటో పచ్చడి,పులిహోర నివేదన.ఆకుపచ్చ రంగు చీర ధరించాలి.బుధవారం సరస్వతికి పూజ.అష్టోత్తరం చేసి సొజ్జ పూరీలు నివేదన . గురువారం,ఏడవరోజు-చిక్కుడు కాయ కూర,వంకాయ పచ్చడి.సిరా రంగు చీర ధరించాలి.కలగాయకూరల అన్నం నివేదన.ఇందులో మిరియాలు,జీలకర్ర పోపు వెయ్యాలి.గురువారం సాయిబాబా కు ప్రీతి అయిన రోజు.సాయి అష్టోత్తరం చేసి,రవ్వలడ్డు నివేదన . శుక్రవారం,ఎనిమిదవ రోజు-బెండకాయ కూర,అల్లం పచ్చడిగారెలుin నివేదన.రాయల్ బ్లూ చీర ధరించాలి.శుక్రవారం లక్ష్మికి ప్రీతి అయిన రోజు.లక్ష్మి అష్టోత్తరం చదివి చక్కర పొంగలి చేసి నివేదన చెయ్యాలి. శనివారం తొమ్మిదవ రోజు-పనస పొట్టు కూర,లేక కాబేజీ కూర ,గోంగూర పచ్చడి,బూరెలు నివేదన ఎర్ర రంగు చీర ధరించాలి. ఇవన్ని మీ సౌకర్యం పట్టి ఆచరించ వచ్చు.కొత్త చీరే కట్టాలనిలేదు. ఒకసారి కట్టిన వైనాకట్టవచ్చు .కాకపొతే ఆచీరతో భోజనం చెయ్యని దయితే చాలు.లేకపోతె పట్టు చీరలు వుండనే ఉంటాయిగా! అన్నిరంగులు ఇప్పుడు కోనేసుకోన్నరనుకోండి ఇక ఏడాది పొడుగునా మీవారిని చీరలుకొనమని సతాయిన్చానక్కరలేదు.
అసంభవం సేవక సుఖ చహ మాన బిఖారీ బ్యసని ధన సుభ గతి బిభి చారీ లోభి జసు చహ చార గుమానీ నభ దుహి దూధ చహత ఏ ప్రాని సేవకునికి సుఖము,బికారికి సన్మానము,వ్యసన పరునికి ధనము,వ్యభిచారికి సుభగతి , లోభి కి కీర్తి దురహంకారికి నాలుగు ఫలాలు {ధర్మ ,అర్ధ,కామ,మోక్ష}కోరుకొనే వాళ్ళు ఆకాశాన్ని పిండి పాలు తియాలనుకోనేవాళ్ళు. [ శ్రీ రామ చరిత మానస్ నుంచి ]
శ్రీ ఆది శంకరాచార్యుల వారు భారతావని లో జన్మించి మానవాళికి మహోపకారం చేసారు.అతి క్లిష్టమైన వేదాంత విషయాల్ని ఒకపక్క వివరించి, మరొకపక్క పరమ పవిత్రమైన నాలుగు పీఠాలను భారత దేశపు నాలుగు దిక్కులా స్థాపించి , మరొకపక్క ఆధ్యాత్మిక లోకపు సరిహద్దులలోకి పయనించేందుకు మెట్లుగా,దీపకళిక ల్లాగా, సులువైన తోవల్లాగా ఎన్నో స్తోత్రాలు,స్తుతులు,అష్టకాలు,రచించారు.అన్నీ మానవుల ఎదుటపెట్టి చదువుకొని తరించండి అని
దీవించారు. అతి పిన్న వయస్సులో ఆయన చేసిన రచనలు పండితులని కూడా అబ్బుర పరిచాయి. అర్ధం అయినా కాకపోయినా వేదము విన్నపుడు ఒకరక మైన శాంతి ,ఒకరక మైన తృప్తి,ఒకరకమైన పవిత్రతా భావం మనిషికి కలుగుతుంది.అలాగే శ్రీ శంకరాచార్యులవారి కవితలు చదువుతూంటే అమోఘ మైన భక్తి భావం పొంగుతుంది. విశేష మేమిటంటే ఆయన రచనలోని ఎ పదమైనా ఎక్కువ అనిపించదు,ఒక్కపదం తీసిదాని స్థానంలో మరోపదం ఎవ్వరూ పెట్టలేరు. గొప్ప కళాకారుని వలె మాటలు వజ్రాలు ,కెంపులు ,ముత్యాలు ,పచ్చలు పొదిగినట్లు పొదిగారు. వారిని తలుచుకొని ఒక్క అష్టకం చాడువుకొందాము.
నిజాయితీ అనగనగా ఒక వూళ్ళో కట్టేలుకొట్టుకొనే అతను ఒకడు ఉండేవాడు.శీలవంతుడు,పరమార్ధం ఎరిగినవాడు,సరళ స్వభావుడు.ఇతన్ని గురించి మహమూద్ అనేరాజు విని చూడాలని పిలిపించి అతని సాదుత్వానికి ముచ్చటపడి తన రాజ్యానికి ప్రధాన మంత్రిగా నియమించాడు.కట్టెలు కొట్టుకొని బ్రతికే ఇయాజ్ కి ఈపదవిపై ఏమాత్రం మోజులేదు,అయినా రాజాజ్నని తరస్కరించలేక అంగీకరించాడు.ఇయాజ్ ప్రధాన మంత్రి కాగానే రాజ్యంలో కట్టుదిట్టాలు ఎక్కువ చేసాడు.అన్యాయాలు,అత్యాచారాలు,భ్రష్టాచారాలు అన్నీ అంతరించిపోయాయి. స్వార్ధ పరుల ఆట కట్టే సరికి వారికి ఇయాజ్ పై ద్వేషం పెరిగి రాజుగారికి రోజూ ఒక పితూరీ ఇయాజ్ ను గురించి అందించడం ప్రారంభించారు.వాళ్ళు చెప్పిన దేమిటంటే ఇయాజ్ కి ప్రధాన మంత్రి పదవి వచ్చినప్పటినుండీ చాలా వజ్రాలు,రత్నాలు పోగుచేసాడని, రాత్రి వేల ఏకాంతంగా కూర్చుని వాటిని చూసుకొని మురిసిపోతూ ఉంటాడని. ఇయాజ్ దాచిన ఆ సంపదని చూడాలని రాజు ఇయాజతోచెప్పాడు.ఇయాజ్ వినమ్రంగా అంగీకరించి "మీ ఆజ్ఞా పాలన చేయడం నా విధి,కానీ రాజా !మీరు వాటిని చూడాలని కోరుకోవడం మంచిది కాదు,అన్నాడు.రాజు చూడాలని పట్టు పట్టాడు."మీ ఆదేశానుసారం చూపిస్తాను,కానీ నా పై వచ్చిన ఆరోపణలు అబద్ధం అని రుజువయితే నేనేది అడిగితె అది నాకు మీరు ఇయాలి.అన్నాడు ఇయాజ్.రాజు సంతోషంగా ఇస్తాను,దానికేమి భాగ్యం?అన్నాడు.రాజుగారు ముఖ్యోద్యోగులను పిలిపించారు,అందరూ ఇయాజ్ శయన మందిరంలో గుమిగూడారు.రాజు అందరి సమక్షములో ఇయాజ్ పెట్టె తెరిచాడు.అందులో రెండు పాత వస్త్రాలున్నాయి.ఇదేమిటి?అన్నాడురాజు . "నేను బీదరికంలోంచి ప్రధాన పదవికి వచ్చాను.అధికారంతో నాకు అహంకారం రావచ్చు,అందుకని నాపూర్వపు రోజులు మర్చిపోకుండా ఈ పాత వస్త్రాలని రోజూ చూసుకొంటూ వుంటాను,అని ఇయాజ్ సమాధాన మిచ్చాడు.రాజు పులకిత గాత్రుడై "అయితే నీకు ఏమిబహుమానం కావాలో కోరుకో!అన్నాడు."నాకేమీ అఖ్ఖరలేదు,ఈపదవినుంది విముక్తి కలిగించండి అదేచాలు,నా శేష జీవితం పరమాత్ముని పాద సేవలో గడుపుకొంటాను,అన్నాడు ఇయాజ్."సాదువర్తనులైన వ్యక్తులు ఎల్లప్పుడూ సత్యమార్గాన్నే కోరుకొంటారు"అంటుంది వేదం . {వేద సవితనుండి}
సంత రామదాస్ సంత రామదాస్ ఒకసారి బిక్షాటన చేస్తూతిరుగుతున్నారు. ఒక ఇంటి ముందు నిలబడి "జయజయ రఘువీర సమర్ధ " అని బిగ్గరగా కేకపెట్టారు.ఆ ఇంటి ఇల్లాలు అస్సో ఇస్సో అంటూ ఏదో పనిచేసుకొంటూంది.మధ్యలో ఈయన కేకవిని చిరాకుపడి చర్రున బయటికి వచ్చి చేతిలో వున్న అలుకు గుడ్డ పొయ్యి అలుకుతున్నది ఆయన మొహం మీద విసిరేసి"తీసుకో బిక్ష" అంది క్రోధంగా .సంత రామదాస్ సాధన్యవాదాలతో ఆ విచిత్ర బిక్ష స్వీకరించి ఆమెను ఆశీర్వదించి తన దారిన తానూ వెళ్ళిపోయాడు.ఆ బిక్షను తీసుకొని ఆయన సరాసరి నదికి వెళ్లి ఆ అలుకు గుడ్డని శుభ్రంగా వుతికారు. మఠానికి వచ్చి దానిని ఎండలో ఆరవేసి ఎండాక దానితో వత్తులు చేసి ఆవునేయితో తడిపి భగవంతునికి ఆరతి ఇచ్చేందుకు వుపయోగించారట.భగవంతుని ఇలా ప్రార్ధించారట."వట్టినుంది వచ్చే ప్రకాశం అన్ధకారాన్నేలా పారత్రోలుతుందో ఇది ఇచ్చిన అజ్నానురాలి హృదయంలోని అజ్నానాన్ధకారాన్నికూడా అలాపారత్రోలాలి ప్రభూ!"అని.ఇంకేముంది!సద భక్తుని సత్ప్రార్ధనని స్వామీ ఎప్పుడైనా నిర్లక్ష్యం చేస్తాడా?ఇలా ప్రార్ధన చెయ్యడ మేమిటి,ఆస్త్రీ హృదయం లోని అసత్ప్రవ్రుత్తులన్ని నిశ్శేషంగా దూరమయిపోయాయి.వెంటనే ఆమె అనన్య భావంతో సంత రామదాస్ దగ్గరికి వెళ్లి తను చేసిన మహాపరాదానికి వేయి క్షమాపణలు వేడుకొంది.ఆయన చూపించిన కరుణకు ముగ్దురాలయింది.భగవద్ భక్తికి అర్హురాలయింది.పెద్ద మనసున్నవారు అపకారికి ఉపకారమే చేస్తారు.
